Kuwait shopping festival;കുവൈറ്റ് നിവാസികളെ ശ്രദ്ധിക്കുക!!! മാർച്ച് 31 വരെ ഈ ഒരൊറ്റ ഓഫർ മാത്രം മറ്റ് ഓഫറുകൾ പ്രഖ്യാപിക്കുന്നതിന് വിലക്ക്;പുതിയ പ്രഖ്യാപനം ഇങ്ങനെ
Kuwait shopping festival:കുവൈത്ത് സിറ്റി : കുവൈത്തിൽ സീസണൽ ആൻഡ് എമർജൻസി ഓഫറുകൾ നടത്തുന്നതിന് ലൈസൻസ് ലഭിച്ച വ്യാപാര സ്ഥാപനങ്ങൾ 2025 ജനുവരി 21 മുതൽ മാർച്ച് 31 വരെയുള്ള കാലയളവിൽ പ്രത്യേക ഓഫറുകളോ വിലക്കിഴിവുകളോ പ്രഖ്യാപിക്കുന്നതിന് വാണിജ്യ, വ്യവസായ മന്ത്രാലയം വിലക്ക് ഏർപ്പെടുത്തി. 2025 ജനുവരി 21 മുതൽ മാർച്ച് 31 വരെ കുവൈത്ത് ഷോപ്പിംഗ് ഫെസ്റ്റിവൽ നടക്കുന്ന സാഹചര്യത്തിലാണ് നടപടി.നിലവിൽ ആറു മാസം കാലാവധിയിലുള്ള ഈ വിഭാഗം ലൈസൻസ് ലഭിച്ച വ്യാപാരികൾക്ക് ഏപ്രിൽ 1 ന് ശേഷം ഇതിന്റെ കാലാവധി ദീർഘിപ്പിച്ചു നൽകും.
ഇതിനായി എല്ലാ കമ്പനികളും വ്യാപാര സ്ഥാപനങ്ങളും ഉപഭോക്തൃ സംരക്ഷണ വിഭാഗവുമായി ബന്ധപ്പെടണം എന്നും മന്ത്രാലയം ആവശ്യപ്പെട്ടു. ഈ കാലയളവിൽ സ്പെഷ്യൽ ഓഫറുകൾ, സീസണൽ ആൻഡ് എമർജൻസി ഡിസ്‌ക്കൗണ്ടുകൾ,പൊതു-സ്വകാര്യ ക്ലിയറൻസ് സെയിൽ, സൗജന്യ സമ്മാന വിതരണങ്ങൾ, സമ്മാനലോട്ടറികൾ, കാഷ്ബാക്ക് ഓഫറുകൾ, 0% പലിശ ഇഎംഐ (ഇൻസ്റ്റാൾമെന്റുകൾ) എന്നിവ കുവൈത്ത് ഷോപ്പിംഗ് ഫെസ്റ്റിവൽ വഴി മാത്രമേ നടത്താൻ അനുവദിക്കുകയുള്ളു.ഇതിനായി കുവൈത്ത് ഷോപ്പിംഗ് ഫെസ്റ്റിവൽ അധികൃതരുമായി ബന്ധപ്പെടണമെന്നും ഇതിനായി ആവശ്യമായ എല്ലാ പിന്തുണകളും നൽകുമെന്നും മന്ത്രാലയം വ്യക്തമാക്കി.
Comments (0)